Berrikuntza gisa, nekazaritzako elikagaien eta basogintzaren berrikuntza jorratuko da Enkarterrin eta Meatzaldean, bio-ekonomia ardatz hartuta
Enkarterrialde Enkarterriko Landa Garapeneko Elkarteak abenduan abiaraziko du II. Bootcamp Enkarterrialde Open Lab nekazaritzako elikagaien eta basoen berrikuntzari buruz, bio-ekonomia erreferentzia dela. 2019ko azaroko edizioaren arrakastaren ondoren, abenduaren 1ean, 2an eta 3an Bizkaiko Foru Aldundiko Ekonomia Sustatzeko Sailaren eskualdeko lehiakortasuna bultzatzeko programaren laguntza ekonomikoa duten hiru prestakuntza-jardunaldi horiek itzuliko dira, eta Eusko Jaurlaritzako Ekonomiaren Garapeneko, Jasangarritasun eta Ingurumen Sailaren gidaritzapean dago HAZI eta NEIKER enpresen bitartez.
Edizio berri honek zenbait berrikuntza ditu.
Batetik, eta Covid-19ak eragindako osasun-egoeraren ondorioz, telematikoki egingo da, plataforma birtual baten bidez, baina basogintzara eta Meatzaldeko udalerrietara zabalduko du bere eremua, nekazaritzako elikagaien eta basogintzako enpresen lehia sustatu asmoz.
Bestetik, enpresa horiek jarduteko eta berritzeko konektatuko dira, esparru horretatik erantzun jasangarriak eta errentagarriak emateko gai den balio-tresna gisa hartuz bio-ekonomia.
Nekazaritzako elikagaien eta basoen Enkarterri Open Lab proiektu berri honen helburua da II. Bootcamp honen bidez bi sektore horien lehiakortasuna sustatzea Enkarterrin eta Meatzaldean, produktuaren banaketari eta balorizazioari dagokienez; horretarako, prozesuen digitalizazioa eta bio-ekonomia hartuko dira oinarritzat.
Hiru jardunaldiek bi zati izango dituzte, ordutegiaren eta gaiaren arabera; horrenbestez, parte-hartzaileek goizez, arratsaldez zein bietan eman ahalko dute izena.
Goizeko saioak OPEN PROGRAMAZIOA: inspirazioa, ikaskuntza eta konexioa izango du oinarri. Ordutegia 10:00etatik 12:30era izango da, eta tailer praktikoak 11:30etik 12:30era iraungo du. Lehenengo jardunaldian, nekazaritzako elikagaien landa- eta baso-sektorearen bilakaera aztertuko da, bai eta bio-ekonomiaren aukerak ere. Hilaren 2an, basogintzaren eta nekazaritzako elikagaien sektorearen egoera, landa-narratiba berriak, euren erronkak eta aukerak aztertuko dira; abenduaren 3an, berriz, bio-ekonomiaren aukerak, baso-enpresen ehunaren eginkizuna eta nekazaritzako elikagaien balio-katea jorratuko dituzte.
Abenduaren 2an, tailer praktikoak gai hauei buruzkoak izango dira: elikagaien balio-katearen eraldaketa digitala eta basogintza-sektorearekiko sinergiak, berrikuntza eta errebalorizazioa. Abenduaren 3an, ekonomia zirkularra landuko dute.
Arratsaldeetan LAB PROGRAMAZIOA: ekimenetarako babes praktikoa deiturikoan parte hartzen dutenentzat, ordutegia 16:00etatik 18:00etara izango da, eta honako gai hauek izango dituzte ardatz: hilaren 1ean, ekonomia-, gizarte- eta ingurumen-errealitate potentzialak eta berriak berrikuntza-iturri gisa ulertzea; hilaren 2an, zerbitzu eta esperientzia paregabeak diseinatzea eta balio digitaleko proposamenak COVID-19aren esparruan; azkenik, hilaren 3an, bio-ekonomiatik negozio-eredu berritzaileak diseinatzea.
Bootcamp birtualean izena emateko, WEB GUNE HONETAN edo honako web-orri honetan aurki daitekeen inprimaki bat bete beharra dago: www.enkarterrialde.eus.
Bi formulario daude; bata, OPEN Programazioan izena emateko (goizez); bestea, LAB Programazioan izena emateko (arratsaldez).
Izena eman eta gero, parte-hartzaileek mezu elektroniko bat jasoko dute datuekin, II. Bootcamp honetara modu birtualean konektatu ahal izateko.
INFORMAZIO GEHIAGO HEMEN:
